系广州我再揾唔到，一间宵夜好似拾陆茶记咁，可以一次满足我咁多愿望！想点就点！
君在荔湾泮塘路，我住天河黄埔大道，日日思君不见君，顶~忍唔住啦！即刻飞车都要过去食囖！
超巨型濑尿虾
烧得烤又点可以冇左濑尿虾啊？仲要筷子咁长先至够过瘾！
盐烧鬼虾
盐烧大虾加上秘制酱汁风味非常特别，即点即烧怎么一个鲜字了得！啖啖肉~
手掌大扇贝
扇贝可以清烧、蒜蓉烧，一句到尾，你想点就点！蒜蓉梗系更加野味啦，清烧都有佢特别嘅地方，更加清甜，更加原汁原味，最紧要够大只，好满足！
烧北极贝
北极贝刺身你就食得多啦！咁烧嘅你又试过未啊？唔想比人话你孤陋寡闻就即刻跟住小肥猫出发拾陆茶记啦！
蒜蓉烧带子
带子本身鲜甜紧实嘅肉质无论点整都系咁好味，细细嘅就好中意噶！可以话系佢嘅忠实fans啊！
秘制烧鸡翼
烧鸡翼，我中意食！外香内嫩嘅口感唔知点解，自己点烧都系烧唔出嚟噶！算啦~想食都系去拾陆茶记啦！
照烧好多种丸
吖吖~烧多几串牛肉丸、墨鱼丸、鱼蛋添啦！又爽口又弹牙，仲好香添！真系食得超级满足超级过瘾！唔黎唔知道，一嚟又有惊喜！拾陆茶记最新推出"志明与春娇"！用广州特色传统零食，将“志明与春娇”相识嘅桥段，惟妙惟咁表现出嚟！
你冇估错，就系煲烟果一段！志明系个成熟但拥有一颗搞怪童心嘅男仔，就好似哩杯“志明”咁，系清淡宁静嘅绿茶上铺满我哋童年嘅零食，咪咪、烟仔饼、甜甜圈、动物饼、棉花糖、朱古力...居然仲有爆炸糖！
而哩一杯“春娇”用烟仔饼、甜甜圈、数字饼、M&M、棉花糖、麦提沙配搭香蕉奶昔制作,就完全符合春娇外表坚强其实内心好Sweet、Sweet嘅性格啦！
今晚真系冇嚟错吖！平时边间宵夜档有咁正嘢噶？！但惊喜陆续有来！仲未完！继续试新嘢了喂！噔噔噔噔！宵夜海鲜自由搭，四款汤底、几十种食材任君选择！识玩、懂玩就要咁样玩！扇贝、鲍鱼、青口、花甲、鱿鱼、鲜虾、肥牛、鸡脚等等等等~~多到数都数唔晒！
就好似化学方程式咁，食材与食材之间微妙嘅相辅相成，系每一个厨师毕生专研嘅课题，但龙床不及狗窦，佢哋专研得再精辟又点及得上我地自己了解自己了能嘅口味！
广州真系冇边度宵夜可以食得咁过瘾！食材仲可以咁丰富、咁新鲜，其实拾陆茶记都可以话系周边街坊嘅饭堂，食开都知道，茶记老板对于食材有住近乎苛刻嘅要求，尤其注重品质同新鲜！
你睇睇，每一只扇贝都又大又肥美噶！
青口个个都水灵灵，如果要晒你地，会唔会又D过分呢？
花甲自身独特嘅清甜，都好吸引呢！尤其系配搭其他海鲜，简直鲜上加鲜！
任性D整翻几只鲍鱼咬咬都好喔，鲍鱼嘅爽口弹牙，真系谂谂都流口水！
哇哈哈哈~o(*≧▽≦)ツ即点即煮，热辣辣，香味一阵一阵咁扑埋嚟喔！汤底有原味清汤底、泡椒汤底、麻辣汤底、韩式泡菜汤底一共四款，咁我又秉承食得唔好嗮嘅广州人节约精神，一样点左一份嚟试试！
好食有好玩嘅体验，拾陆茶记先比到你！即刻嚟试一试啦！
