前香港小姐单文柔（Phoebe）今年4月为陈展鹏诞下女儿“小猪比”，现时忙于凑女的Phoebe最近接受访问时已经收身，但她仍嫌未够弗要再努力。
5个月大的“小猪比”变成家中的开心果，除了是父母的快乐泉源，更变成减压“工具”，她笑说：“BB算好乖，好唔舒服先会喊，仲有佢成日笑到卡卡卡声，屋企好似有个开心果咁，变成我哋嘅减压工具。”
Phoebe笑称要多得女儿溶化展鹏，老公变得温柔体贴，她笑说：“佢对个女好温柔，对我都有间接影响，有几次大家好认真倾嘢，BB望住佢卡卡卡咁笑，见佢个样系完全溶化咗，BB见Daddy个样又特别唔同，特别冧滋滋，有时佢放工可能好攰，见到个女就成个人开心晒。”
两公婆虽然大部分时间也给了女儿，但也不忘偷时间过二人世界，她说：“个女变得好快，好似隔几日就唔同样，起码两、三岁前都希望多啲时间陪佢成长，但我哋都倾过，因为结咗婚好快就有小朋友，所以都要保留一啲二人世界嘅时间，有时屋企人帮到我哋睇住，就偷时间出去食餐饭，或者去个短旅行。”
Phoebe指再过一、两年才考虑再生BB，现时会集中精神照顾“小猪比”，夫妻间亦不时为女儿的成长“开会”，她笑说：“我哋嘅共识系睇个女嘅性格，如果个女将来好嗜动，就未必会用传统教育，可能会畀佢运动方面多啲，最紧要佢开心，有个快乐童年。”
