由艺人锺景辉、吴岱融、蒋志光、张振朗和黄心颖主演的TVB剧集《牛下女高音》之前因黄心颖偷食人夫许志安事件而被抽起，及后又有指会安排江嘉敏顶替黄心颖一角重拍，可惜最终重拍无望，像似永不超生一样。
不过凡事都有惊喜，此剧最后居然击败了其他剧集如《C9特工》、内地剧《鳯奕》，摇身一变山鸡变鳯凰，成为台庆剧之一，并铁定于10月7日晚上八时三十分播出，一共三十集，而最重要一点是TVB终于放生黄心颖！就此一役，黄心颖可能会重归幕前。
监制：通知她都没有回覆
而《牛下女高音》监制黄伟声接受东网独家访问时，提到此剧是黄心颖放生第一役，问心颖是否会返港配合宣传？黄伟声谓：“我点搵佢呀！我都搵佢唔到。（公司有冇甚么指示？）公司冇讲过啲乜，冇话唔畀佢宣传，不过我曾经Whatsapp过佢，通知佢个剧出街嘞！但佢都冇覆我。而且我哋呢套剧主要嘅戏都唔系喺佢嗰度，系喺锺景辉、蒋志光唱家班嗰度。”
他坦言上周五才接获通知：“啱啱先完成宣传短片、开完会，净番几个礼拜，都比较急。（心颖返嚟协助宣传？）佢都唔喺香港。”
完全冇删减戏份
问到女主角缺席宣传，会否有影响？黄伟声表示：“其实套剧最主要系讲锺景辉搵返7个四十几年冇见嘅徒弟，大家重温以前唱歌嘅快乐时光，呢个先系主线，而佢哋一齐去搵好好听嘅女高音。（女高音唔见咗？）女高音可能系车婉婉、罗冠兰都得㗎。”问到可有删减心颖戏份，他表示：“完全冇，足本版30集。”
韦家雄自弹自唱
而演员之一的韦家雄亦现身电视城化妆间，韦家雄对于剧集终见天日大感高兴，且谓：“抵我将仅有几个chord都攞埋出嚟，我会自弹自唱嘅。”
吴岱融赞题材励志
而剧集《牛下女高音》的男主角吴岱融得闻消息当然开心，他回覆东网称：“最紧要系能够出番街，绝对系开心事，加上近日嘅日子（乱世时期），好啱播呢套剧，佢题材好励志、正面，内容主要系讲我哋一班中佬，锺景辉系我哋老师，佢返嚟鼓励我哋唔好放弃，虽然我哋有一定嘅年纪，但都要继续追求梦想，不放弃人生，唔好咁容易灰（心）！”
